السلام عليكم
بلا مقدمات اليكم الشعر
الحلم
اذا اهداك الزهر مرة , فانا اهديتك بساتينه
واذا الهاك بفرح ليله , فانا تهت لبكاك سنين
واذا استضعفتك املاكه و شتتك ملايينه
انا حتى فتات الخبزة اقسمها معك نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انك تطلبين الله يعنيني.. بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتك لا عشقتيني .. تعشقيني ليوم الدين ..
التمثال
انا جيت اعشقك نبض و مشاعر ما اعشقك ( تمثال )
انا جيت اسكنك واحياك , و ابقى فيك وابقى لك
انا جيت بظما عاشق نعب يطرد سراب اللال
انا جيت استفز رضاك من فرقاك والجا لك
انا ما همت بك عاقل .. انا كنت اعشقك بخبااال
انا ما كنت احبك حي .. انا كنت اعشقك هالك ....
انشاء الله تعجبكم
موضوع: شعر لي حامد زيد 
الأحد أكتوبر 28, 2007 6:11 am
